Në këto zona ekziston në fakt edhe një legjendë mbi ekzistencën e një krijese që në fakt bën veprime të tilla, e ndër banorët njihet me emrin ‘Chupacabra’.
Është e mundur, nëse këto 70 kafshë u vranë në mënyrë të njëjtë sikur në legjendën e qytetit, a ekziston në të vërtetë Chupacabra. Çka do që i ka vrarë këto kafshë, e vetmja gjë që dihet, është se ajo kafshë kishte vetëm një qëllim, pirja e gjakut të të gjitha deleve.
Fermeri lokal, Don Simplicio Martinez, tha për El Mexicano se “në mbrëmjen e 28 marsit, 20 dele të mëdha ishin prerë në stomak, dhe gjaku tyre ishte pirë, ato ishin lënë pa asnjë pikë gjaku”.
Disa javë më vonë, Martinez u tmerrua kur e zbuloi se krijesa e paidentifikuar u kthye për pulat e tij. Bisha për të hyrë në kafazin e pulave, u desh që të ngjitej dy metra lartë, për ta kaluar rrethoren me hekura, e cila i mbronte pulat.
Atë ditë, 51 pula u vranë në të njëjtën mënyrë, dhe u lanë pa pikë gjaku.
“Ndoshta u ngjit në rrethoja, ose ndoshta fluturoi, nuk e di” tha Martinez në raportin e policisë.
Atë natë, një kujdestarë i natës tha se e ka dëgjuar një zë të çuditshëm, që në fakt tingëllonte sikur po thithtë gjak, por nga frika vendosi që të mos intervenonte.
“E dëgjova teksa thithtë gjakun, u afrova e pash që ishte një krijesë e madhe, nga frika vendosa që të mos intervenoj por të largohem” tha kujdestari i fermës.
Veterineret lokalë, në fakt besojnë se ekziston një krijesë e ngjashme me tregimet folklorike, sepse ata në fakt nuk kishin parë kurrë diçka të tillë. Por Martinez nuk është i bindur ne ekzistencën e saj.
“Kafshët u therën, dhe u lanë pa pikë gjaku, por ende nuk jam i bindur se çka mund të jetë” tha Martinez.
Në shkurt dhe mars të vitit 2019, Chupacabra u fajësua nga banorët lokalë për vrasjen brutale të kafshëve, dhe më pas edhe një adoleshenti i cili u gjet i vdekur pas një feste.
Në tregimet popullore të Amerikës Qendrore, thuhet se ekziston një kafshë, e cila i mbyt dhitë dhe ia thith gjakun atyre, dhe ky tregim duket se mund të jetë i vërtetë.