Një vajzë vetëm 4 vjeçe përfundoi në spital për shkak të një kapsllëku të rëndë, për faj të kopshtit të saj.
Kopshti që frekuentonte e mitura, nisi të zbatonte një politikë drastike për shkurtimin e shpenzimeve, duke hequr kësisoj dorë nga përdorimi i letrës higjienike.
Rregullat e reja parashikonin që çdo fëmijë të kërkonte leje për të marrë një copë letre higjienike në bazë të nevojës, para se të shkonte në tualet.
Vogëlushja nga Uellsi u ndje në siklet dhe e turpëruar nga ky vendim, ndaj vendosi që të mos shkonte në tualet, duke përfunduar me probleme të rënda shëndetësore, të cilat e bënë të nevojshëm shtrimin në spital.
Kopshti Kitchener Road Primary në Canton, të Cardiff, vendosi të kursente, duke i akuzuar fëmijët se shpërdoronin letrën higjienike.
Nëna e vajzës që përfundoi në spital për kapsllëk, bëri denoncim ndaj kopshtit, duke bërë që ky i fundit të deklarojë se do i rishikojë rregullat.
