Vazhdon hapja e Panaireve të Punës në qytete të Kosovës, kësaj radhe Panairi i Punës është hapur në qytetin e Pejës, përcjellë “Bota Sot”.
Ministri i Punës dhe Mirëqenies Sociale, Skender Reçica, përmes një postimi në facebook the se interesimi i bizneseve u shfaq menjëherë. Ai mes tjerash u ka bërë thirrje që të vizitojnë panairet e punës që po hapim gjithandej Kosovës për të gjetur punëtorët që ju duhen dhe për të qenë më afër tregut të punës.
Postimi i plotë:
Panairet e Punës janë një mundësi shumë e mirë për punëdhënësit që ti plasojnë ofertat e tyre si dhe për punëkërkuesit që përgatitjet e tyre arsimore dhe profesionale ti zbatojnë në praktikë.
Një i tillë është edhe Panairi i Punës që hapëm sot në Pejë, në bashkëpunim me GIZ-in gjerman ku pata mundësinë të takojë përfaqësues biznesesh të interesuar për punëtorë dhe gjithashtu të rinj që ishin drejtuar për një vend pune.
U bëjë thirrje të dyja palëve që të vizitojnë panairet e punës që po hapim gjithandej Kosovës për të gjetur punëtorët që ju duhen dhe për të qenë më afër tregut të punës.