Kjo është g​jendja e të prekurve me COVID-19 në Pejë - Bota Sot
Kjo është g​jendja e të prekurve me COVID-19 në Pejë

Peja

Kjo është g​jendja e të prekurve me COVID-19 në Pejë

Më: 26 prill 2020 Në ora: 13:49
Pejë

Në komunën e Pejës deri më tani janë identifikuar 49 raste të infektuar me Covid-19, ku dy prej tyre janë duke u trajtuar në Klinikën Infektive, 46 janë duke u trajtuar në vetëizolim dhe një ka përfunduar me fatalitet.

Drejtori i Shëndetësisë dhe Mirëqenies Sociale në Komunën e Pejës, Petrit Loci, ka thënë se gjendja e të prekurve është stabile dhe nën kontroll.

Loci: Gjendja e të prekurve me COVID-19 është stabile

“Gjendja e të prekurve me COVID-19, në komunën e Pejës është stabile, të gjithë të prekurit janë në vetëizolim në shtëpitë e tyre, përveç 2 pacientëve të cilët janë të shtrirë në Klinikën Infektive, për trajtim të vazhdueshëm... Janë të izoluara të gjitha rastet e kontaktit, numri i të prekurve deri më tash është 49, 47 kemi qenë mbrëmë i kemi pasur plus 2 pozitiv 49, prej të cilëve një është i vdekur dy janë të shtrirë në Klinikën Infektive dhe 46 janë duke u trajtuar në vetë izolim”, thotë Loci.

Ai thotë se për një periudhë afat mesme janë të pajisur me të gjitha mjetet e nevojshme për trajtimin dhe mbrojtjen nga COVID-19.

Loci: Jemi të pajisur me të gjitha mjetet e nevojshme

“Situata është në menaxhim prej institucioneve relevante të cilat merren me pandeminë dhe momentalisht është nën kontroll gjithçka...Jemi të pajisur me të gjitha mjetet e nevojshme, që hynë në kuadër të masave mbrojtëse kundër COVID-19 dhe mundë të them se për një periudhë afat mesme qëndrojmë mirë”, deklaroi Loci.

Loci për futjen e Pejës në karantinë, thotë se është vendim i qëlluar, për shkak se ulë rrezikshmërinë e futjes së virusit nga vatrat tjera në Pejë, derisa theksoi se qytetarët janë duke e respektuar karantinën.

Shfaq komentet
comments powered by Disqus
Sot mund të lexoni Shfletoni kopertinat