Serbi i akuzuar për krime lufte, sot para gjykatës në Pejë - Bota Sot
Serbi i akuzuar për krime lufte, sot para gjykatës në Pejë

Peja

Serbi i akuzuar për krime lufte, sot para gjykatës në Pejë

Më: 26 shtator 2018 Në ora: 10:43
Pamje nga gjykimi

Sot para gjykatës në Pejë pritet të dalë Milorad Zajiq, serbi i akuzuar për krime lufte në fshatin Dush të komunës së Klinës.

Zajiq në shqyrtimin fillestar ishte deklaruar i pafajshëm në lidhje me akuzat për të cilat ngarkohet.

“Jam i pafajshëm për akuzat që më ngarkohen”, pati deklaruar Zajiq.

Ai akuzohet se kishte marrë pjesë në përndjekjen e fqinjëve të tij shqiptarë në fshatin Dush të Klinës në qershor të vitit 1998.

Në aktakuzë thuhet se Zajiq e kishte ofruar shtëpinë e tij si bazë për forcat e armatosura serbe duke qëlluar në drejtim të shtëpive të shqiptarëve.

Sipas aktakuzës, ai ishte parë nga fqinjët derisa shkarkonte nga makina e tij Zastava armë ndërsa në mbrëmje i vetëm kishte nisur të qëllonte në drejtim të shtëpive të shqiptarëve.

Nga këto sulme mbetën të djegur në shtëpitë e tyre tre të moshuarit  Zade, Osman dhe Haradin Marmullaku.

Viktima të këtyre sulmeve ishin edhe katër banorë të tjerë të vrarë gruaja dhe vajza e të dëmtuarit Xheme Marmullaku dhe Ismet e Bashkim Marmullaku.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test