Vlera e “Dogecoin” bie pas shakasë që bëri miliarderi Musk në “Saturday Night Live”

Shkencë & Teknologji

Vlera e “Dogecoin” bie pas shakasë që bëri miliarderi Musk në “Saturday Night Live”

Më: 9 maj 2021 Në ora: 10:22
Dogecoin

Miliarderi Elon Musk gjatë moderimit të “Saturday Night Live”, ka thënë në monologun e tij se ai është personi i parë me Asperger që ka moderuar këtë shou.

Musk, një prej personave më të pasur në botë, hapi monologun e tij duke i thënë audiencës në më tepër se 100 shtete se ai është personi i parë me Asperger që moderon këtë shou. Së paku tha që është deklaruar publikisht se vuan nga Aspergeri.

Sindromi Asperger është një gjendje në spektrin e autizmit që asociohet me vështirësi në bashkëveprim shoqëror.

Musk kishte deklaruar më herët se është diagnostikuar me një gjendje të butë të Aspergerit.

Gjatë moderimi Musk ka bërë shaka edhe me veten, e po ashtu me postimet e tij provokative në T]itter.

“Ndaj të gjithëve që i kam ofenduar thjeshtë dua të them, i kam rishpikur veturat elektrike dhe jam duke dërguar njerëz në Mars. A mendoni se do të isha një njeri normal?” – ka bërë shaka Musk.

Nëna e Muskut, Maye, i është bashkuar atij në skenë dhe të dy kanë bërë shaka për Dogecoinin, kriptovalutën që shpesh e ka përmendur në postime të tij Musk.

Nëna e Muskut tha se shpreson që dhuratë Musk të mos i bëjë Dogecoin, ndaj të cilës Musk tha: “Po është!”

Pas shakave Dogecoin ka rënë dukshëm. Aktualisht ka vlerë 0.55 dollarë për dallim nga mbi 0.73 dollarë sa ishte të enjten. Në një moment vlera ra në 0.44 dollarë.

Sot mund të lexoni Shfletoni kopertinat