​Rama pas finales: Shqipëria la përshtypje fantastike në të gjithë Evropën

Shqipëria

​Rama pas finales: Shqipëria la përshtypje fantastike në të gjithë Evropën

Më: 26 maj 2022 Në ora: 08:24
Kryeministri i Shqipërisë Edi Rama

Kryeministri i Shqipërisë Edi Rama ka thënë se Shqipëria ka lënë përshtypje fantastike në sytë e Evropës me organizimin e finales së Ligës së Konferencës në Tiranë.

Ai përmes një postimi në “Facebook” ka falënderuar të gjithë ata që kontribuan që nata e së mërkurës të jetë një eurombrëmje.

"Mirëmëngjes dhe me falenderimin e përzemërt për të gjithë ata që i dhanë jetë eurombrëmjes së Shqipërisë, si edhe me krenarinë për përshtypjet fantastike që Shqipëria la në sytë e mbarë Evropës, ju uroj një ditë të mbarë”, ka shkruar Rama.

Ndryshe, në finalen e cila u zhvillua në stadiumin “Air Albania” u ballafaquan Roma dhe Feynordi. Skuadra italiane triumfoi me rezultat minimal 1-0. Realizues i golit ishte Nicolo Zaniolo në minutën e 33-të.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat