Kriza e peshkimit në Shqipëri, shkak rritja e naftës dhe pakësimi i peshqve

Shqipëria

Kriza e peshkimit në Shqipëri, shkak rritja e naftës dhe pakësimi i peshqve

Më: 26 qershor 2022 Në ora: 14:17
Foto ilustrim

Rritja e çmimit të naftës dhe ulja e rezervave të peshkut në Shqipëri e ka futur sektorin e peshkimit në një krizë të plotë.

Kjo krizë është reflektuar edhe në treg. Çmimet e peshkut dhe prodhimeve të detit janë rritur ndjeshëm.

“Për shkak të rritjes së çmimit të naftës dhe prodhimit të ulët çmimi është shumë i lartë, kostot janë shumë të larta dhe më të goditurit janë barkat e peshkimit. Urojmë të mbarojë sa më parë lufta atje”, shprehet Klodian Kapiti, kreu i sindikatës së peshkatarëve.

Ndikimi i menjëhershëm që pësoi çmimi i naftës në bursë pas luftës në Ukrainë dhe në tregun vendas të karburanteve e ka dëmtuar ndjeshëm këtë sektor jetik për qytetin bregdetar të Durrësit.

“Sot çmimi është 180 lekë/litër dhe sipas llogarive që bëjmë ne nëse nafta kalon 60-70 lekë/litër peshkimi është në deficit. Është marrë vendim që pas datës 1 korrik do të jetë çmimi i bursës minus 40 lekë për peshkimin.”

Të premten, flota e peshkimit kishte njoftuar fillimin e një greve të përgjithshme, por pas një takimi të zhvilluar pasditen e 23 qershorit mes përfaqësuesve të sektorit dhe ministrive të linjës, ajo e Financave dhe Bujqësisë, është arritur një marrëveshjeve që pritet të hyjë në fuqi në fillim të muajit korrik.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat