Të shtëna në Tetovë, dëmtohen dritaret e medresës “Isa Beu”

Tetova

Të shtëna në Tetovë, dëmtohen dritaret e medresës “Isa Beu”

Më: 20 shtator 2021 Në ora: 18:42
Foto ilustrim

Sektori i Punëve të Brendshme ka njoftuar se medresenë “Isa Beu” në Tetovë ka pasur të shtëna me armë.

Janë regjistruar dëme materiale, ndërkaq nuk ka të lënduar.

Po punohet në zbardhjen e plotë të rastit.

“Sot, më 20 shtator në ora 09:05 në SPB Tetovë është raportuar se mbrëmë, mes datave 19 dhe 20 shtator një autor deri tani i panjohur me armë zjarri ka dëmtuar disa dritare të ndërtesës së shkollës së mesme të teologjisë – medresesë “Isa Beu” në rrugën “Probishtipska” në Tetovë. Janë dëmtuar dritaret në katin e parë dhe të dytë, gjegjësisht dritaret e korridorit”, thuhet në njoftim.

Është kryer inspektim ku janë marrë për ekspertizë disa gëzhoja.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat