Deputeti i VV’së, Hajrullah Ceku, ka thënë se partitë në pushtet nuk do mund t’i shtyjnë zgjedhjet e parakohshme edhe për shumë kohë derisa ka paralajmëruar ardhjen e partisë së tij në pushtet.
“Këta e kanë kuptuar se nuk mund të evitojnë zgjedhjet. Duhet të kuptojnë se duhet lënë qytetarët të votojnë. Nëse bëhet edhe një qeveri tjetër tash pa shku në zgjedhje i bjen se po shkojmë nga një tavolinë në një tjetër”, thotë ai.
Tutje Ceku thotë se PDK është pjesë e koalicionit qeverisës përderisa nuk po punon me VV’në që të rrëzojnë qeverinë.
“Këta janë bërë bashkë. Nuk u bënë bashkë për problemet e qytetarëve, por rritja e VV’së. Ajo ata i ka frikësuar nga zgjedhjet. U pa në ditët e fundit. VV arriti fitore në Besianë me 51%. Ky është vullneti i qytetarëve në mbarë vendin”, shtoi ai në emisionin.
