Mushkolaj ironizon me deklaratën e Isufit: Sakrificat nuk kanë fund

Aktuale

Mushkolaj ironizon me deklaratën e Isufit: Sakrificat nuk kanë fund

Më: 8 dhjetor 2020 Në ora: 22:25
Imer Mushkolaj

Njohësi i çështjeve politike, Imer Mushkolaj, ka ironizuar me deklaratën e nënkryetarit të AAK’së, Ahmet Isufi, i cili në ‘Pressing’ deklaroi se partia e tij dëmtohet nëse Ramush Haradinaj bëhet për president, por e japin për hatër të Kosovës.

Mushkolaj, përmes ‘Facebook’-ut të tij, ka satirizuar me këtë deklaratë, duke thënë se “sakrificat e politikës nuk kanë fund”.

Anëtari i AAK’së, Ahmet Isufi tha në emisionin Pressing në T7 se subjekti i tij do të dëmtohej nëse Ramush Haradinaj do të lëshonte postin e kryetarit të partisë.

“AAK-ja dëmtohet nëse Haradinaj bëhet president, por po e japim për hatër të Kosovës. Duhet të ngutemi që të zgjedhim një president”, deklaroi ai.

Haradinaj ka bërë të ditur kandidaturën e tij për president të Kosovës, për të cilën ka insistuar në vazhdimësi. Kërkesa e këtillë është kundërshtuar zëshëm nga partia qeverisëse, LDK.

Një kundërshtim të këtillë në ‘Pressing’ e bëri edhe deputeti i PDK’së, Abelard Tahiri, ku tha se subjekti politik të cilin e përfaqëson nuk ka vota për asnjë kandidat tjetër, përveç të Partisë Demokratike.

“Asnjë kandidat që vjen nga koalicioni qeveritar, ne nuk do e votojmë. PDK i ka dhanë mundësi për ta qeverisë vendit, ndërsa ai ka dezertu”, ka thënë ndër të tjera ai. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat