44 persona kanë lënduar si pasojë e një shpërthimi në një restorant në komunën e Ferizajt.
Prej tyre 13 janë në shkallë më të rëndë të djegies, ndërsa 2 janë në gjendje të rëndë.
Kështu ka deklaruar për gazetën "Bota sot" kryetari i Ferizajt, Agim Aliu.
"Momentalisht janë 44 të lënduar, 13 prej tyre në shkallë më të rëndë të djegies, ndërsa prej tyre 2 janë shumë seriozisht keq", është shprehur ai.
Aliu ka thënë se mjekët në qendrën emergjente në Ferizaj i janë përgjigjur menjëherë kërkesave.
"Shtoj se edhe mjekët në qendrën emergjente në Ferizaj i janë përgjigjur menjëherë kërkesave, janë ftuar edhe mjekë që kanë qenë të lirë", ka deklaruar Agim Aliu për "Bota sot".
