Qytetarëve u bëhet thirrje të bllokojnë hyrjen e Agim Veliut në ministri: U tall me trupin e Vjosës

Aktuale

Qytetarëve u bëhet thirrje të bllokojnë hyrjen e Agim Veliut në ministri: U tall me trupin e Vjosës

Nga: H.O. Më: 6 janar 2021 Në ora: 07:26
Vjosa Osmani/ Agim Veliu

Deklaratën fyese të Ministrit të Brendshëm, Agim Veliu ndaj u.d. Vjosa Osmani e ka komentuar edhe ish mjeku i UҪK-së, Liri Loshi.

Ai në një postim në Facebook shkruan se pas kësaj deklarate Isa Mustafa duhet ta shkarkoj Agim Veliun nga të gjitha funksionet në parti, ndërsa kryeministri Avdullah Hoti ta largoj nga qeveria.

Sipas tij nëse kjo nuk ndodhë qytetarët duhet t’ia bllokojnë hyrjen në ministri Agim Veliut.

Ai shkruan tutje se LDK-ja duhet të distancohet nga fyrjet dhe bulizmat pasi i vë njolla të zeza kësaj partie.

Postimi i plotë:

Me u tallë me trupin e një gruaje të respektuar që jo rastësisht mban dy pozitat më të larta të shtetit dhe me vazhdu me qenë ministër i atij shteti është absurd i absurdeve. Isa Mustafa  duhet ta shkarkojë Agim Veliun nga të gjitha funksionet politike në parti, kurse kryeministri Hoti duhet ta largojë atë nga qeveria. Nëse kjo nuk ndodh, qytetarët duhet t’ia bllokojnë hyrjen në ministri. Njerëzit e tillë duhet të largohen nga zyra publike përgjithmonë. Vazhdimi i tipave të tillë në jetën publike është provokim dhe fyerje për të gjithë qytetarët e Kosovës. LDK-ja duhet tē distancohet qartë nga fyerjet dhe bulizmat e tillë, sepse ato i vënë njolla të zeza partisë. Agim Veliu duke komentuar dukjen e jashtme të një gruaje, ka fyer të gjitha gratë që kanë cilësi të ngjashme fizike. Kjo është fort e turpshme. Fort e pistë. E patolerueshme.

commentFirst article
Sot mund të lexoni Shfletoni kopertinat