Krasniqi: Kurti ia përfundoi karrierën Vjosa Osmanit, ai është vet kryeministër, vet president

Aktuale

Krasniqi: Kurti ia përfundoi karrierën Vjosa Osmanit, ai është vet kryeministër, vet president

Më: 18 janar 2021 Në ora: 22:49
Memli Krasniqi

Anëtari i Kryesisë së PDK-së, Memli Krasniqi, ka thënë se Vjosa Osmani është në përfundim të karrierës së saj politike dhe se ajo aderoi në Vetëvendosje e nuk lidhi koalicion me këtë subjekt.

Ai tha se ishte i befasuar se si Osmani u kandidua për presidente, pasi Kurti më herët kishte nënkuptuar se do të ishte kandidat konsensual.

“Pa fije turpi e vendosi Vjosa Osmanin kandidate për presidente”, tha Krasniqi.

Krasniqi mendon se Osmani është në fund të karrierës së saj politike.

“Kurti ia përfundoi karrierën Osmanit, ai është vet kryeministër, vet president. Mendoj se Osmani vetëm se aderoi në atë parti”, thotë ai.

Kurti dhe Osmani zyrtarizuan bashkëpunimin për zgjedhjet e 14 shkurtit javën që shkoi.

Sipas marrëveshjes, Kurti do të jetë kandidat për kryeministër ndërsa Osmani për presidente.

commentFirst article
Sot mund të lexoni Shfletoni kopertinat