Nuk u certifikua nga KQZ-ja, ja çka paralajmëron Vetëvendosje për nesër

Aktuale

Nuk u certifikua nga KQZ-ja, ja çka paralajmëron Vetëvendosje për nesër

Më: 22 janar 2021 Në ora: 23:42
Lëvizja Vetëvendosje

Anëtari i KQZ-së Alim Rama, i cili është i emëruar nga Lëvizja Vetëvendosje, është shprehur se që nesër do të dorëzojnë ankesë në Panelin Zgjedhor për Ankesa dhe Parashtresa, lidhur me moscertifikimin të listës zgjedhore.

“Si për Vetëvendosjen, si për subjektet tjera, ka mbetur rruga ligjore. Ankesën në PZAP do ta dorëzojmë sipas afatit 24 orësh”, ka thënë Rama.

“Hapi i parë është në PZAP, nëse palët nuk janë të kënaqura vazhdojmë me Gjykatë Supreme”.

Rama në Analizën Zgjedhore ka thënë se kryetarja e KQZ-së, Valdete Daka, ka bërë shmangie të rregullores sot duke anashkaluar rekomandimin e Zyrës për Regjistrim të Partive.

“Nuk ka arsye të mos certifikohet lista. Vendimi sot ka qenë që lista e 110 kandidatëve të mos certifikohet. LVV ka të drejtë të marrë pjesë në zgjedhje. Nuk ka mundësi që ta ndalë LVV-në të marrë pjesë në garë”

“Valdete Daka kur kemi filluar ta diskutojmë pikën e fundit të rendit të ditës, nuk e ka zbatuar rregulloren e KQZ-së”.

Shfaq komentet
comments powered by Disqus
Sot mund të lexoni Shfletoni kopertinat