Pas dorëheqjes së Hysni Gërgurit, nga pozita e kryetarit të degës së LDK-së në Vushtrri, ka reaguar kryetari aktual i Komunës së Vushtrrisë, Xhafer Tahiri.
Tahiri përmes një shkrimi në profilin e tij në Facebook, ka falënderuar Gërgurin për kontributin e tij të dhënë për Lidhjen Demokratike të Kosovës.
“Më lejoni që në emrin tim e të gjithë qytetarëve të Vushtrrisë, të ju falënderoj nga zemra për kontributin tuaj të jashtëzakonshëm për LDK e për Vushtrrinë. Bashkë kemi fituar në zgjedhjet e vitit 2017, bashkë do të fitojmë sërish në Vushtrri e në gjithë Kosovën”, ka shkruar mes të tjerave Tahiri, në Facebook, përcjell “Bota sot”.
Ja reagimi i tij i plotë:
I dashur Dr. Hys,
Miq e aktivist të LDK-së,
Më lejoni që në emrin tim e të gjithë qytetarëve të Vushtrrisë, të ju falënderoj nga zemra për kontributin tuaj të jashtëzakonshëm për LDK e për Vushtrrinë.
Bashkë kemi fituar në zgjedhjet e vitit 2017, bashkë do të fitojmë sërish në Vushtrri e në gjithë Kosovën
LDK mbetet përgjithmonë familja jonë e përbashkët!
Zoti ju bekoftë!
Mirënjohës gjithmonë për bashkëpunimin tonë!
Me respekt,
Xhafer Tahiri