Ekonomisti Mustafa: Sfida kryesore e qeverisë së re do të jetë përballja me pasojat e pandemisë

Aktuale

Ekonomisti Mustafa: Sfida kryesore e qeverisë së re do të jetë përballja me pasojat e pandemisë

Më: 26 shkurt 2021 Në ora: 22:18
Ekonomisti Mustafa

Profesori i ekonomisë Muhamet Mustafa, ka thënë se sfida kryesore e qeverisë së re do të jetë përballja me pandeminë dhe tejkalimi i problemeve ekonomike që i ka sjellë ajo.

Në episodin e parë “7 ditë me Panxhën” ai ka theksuar se mënyra më e mirë për luftimin e informalitetit është zvogëlimi administrativ.

“Sfida kryesore  e qeverisë së re do të jetë përballja me pandeminë dhe tejkalimi i problemeve që i ka sjellë pandemia për sistemin publik shëndetësor, por sidomos në rënien e aktivitetit ekonomik”.

“Po besohet se është një rënie prej 6 për-qind, por ka sektor që janë goditur më shumë”.

“Për shkak të probleme që ka pasur mosfunksionimi i institucioneve, shumë çështje kanë mbetur të pa adresuara me kohë”.

“Mënyra më e mirë për luftimin e informalitetit është zvogëlimi administrativ, taksat e përballueshme dhe një administratë e përgjegjshme tatimore”.

I pyetur se a duhet të zbatohet ligji i prokurimit publik, ai ka thënë se duhet të ndihmohen firmat vendore nga ana e qeverisë.

“Sigurisht se në konsumin publik, ndoshta 1 miliard prej buxhetit të Kosovës kishin mund 60 për-qind të shkojnë te firmat vendore. Kështu që unë vetëm mundem ta përshëndes këtë dhe të kërkoj që të zbatohet”.

Shfaq komentet
comments powered by Disqus
Sot mund të lexoni Shfletoni kopertinat