Profesori flet pas numrit të madhë të votave për Osmanin, ka edhe disa kritika për Mustafën

Aktuale

Profesori flet pas numrit të madhë të votave për Osmanin, ka edhe disa kritika për Mustafën

Nga: M.H Më: 4 mars 2021 Në ora: 15:53
Vjosa Osmani dhe Isa Mustafa

Profesori univeristar Enver Bytyçi, përmes një postimi në facebok ka shkruar në lidhje me votat që ka fituar Vjosa Osmani.

Bytyçi thotë që lista e saj mori 452.261 vota, duke e krahasuar me tre kryesuesit e listave të tri partive PDK, LDK dhe AAK morën vetëm 211 vota, gati 100 mijë më pak se Vjosa Osmani e vetme, përcjell “Bota sot”.

Ndër të tjera, profesori përmend edhe deklaratat e Mustafës duke u shprehur që ai po vazhdon të intrigojë kundër Osmanit e që edhe votat që ka marrë Lumir Abdixhiku, Anton Çuni e ndonjë tjetër përkrahës i Vjosës në LDK, janë në fakt vota për zonjën Osmani, nuk janë vota për Isa Mustafën, shton më tej profesori.

Postimi i plotë

Merhumi thoshte se Vjosa Osmani nuk merr as 5 përqind të votave. 300 mijë e 788 vota mori ajo ose tri herë më shumë se partia e merhumit. Ndërsa lista e saj e deputetëve që hyjnë në parlament mori 452.261 vota. Tre kryesuesit e listave të tri partive PDK, LDK dhe AAK morën vetëm 211 vota, gati 100 mijë më pak se Vjosa Osmani e vetme. Dy prej kryesuesve, ai i PDK-së dhe ai i LDK-së, ishin kandidatë për kryeministër, ndërsa i treti, Ramush Haradinaj, ishte kandidat për president.

Përveç Isa Mustafës, këta tre kryesuesit kam dëshirë të besoj se e kanë nxjerrë mësimin nga ky rezultat! Ndërsa Isa vazhdon me paturpësi të intrigojë kundër Vjosa Osmanit. Por edhe votat që ka marrë Lumir Abdixhiku, Anton Çuni e ndonjë tjetër përkrahës i Vjosës në LDK, janë në fakt vota për zonjën Osmani! Nuk janë vota për Isa Mustafën. Abdixhiku u la gati jashtë liste, por zgjedhësit e nxorën në vendin e tretë të fituesve të kësaj partie.

Zgjedhësit e LDK-së, që kanë zgjedhur përkrahësit e Vjosa Osmanit në këtë parti, në thelb qëndruan aty për shkak të traditës dhe jo të bindjes. Bindjen e dëshmuan me votën për reformatorët e mëdhenj të Kosovës, një pjesë e të cilëvë gjenden edhe në Lidhjen Demokratike.

Për këto arsye unë kam besim të madh te intuita, kultura politike dhe pjekuria e madhe e qytetarëve të Kosovës. Ata mandatuan Vjosa Osmanin dhe Albin Kurtin që ta zhvillojnë dhe ta mbrojnë Kosovën e tradhëtuar nga ish-ët në pushtet!

commentFirst article
Sot mund të lexoni Shfletoni kopertinat