Bordi i Përkohshëm i Drejtorëve të Postës së Kosovës ka përzgjedhur sot në pozitën e Kryeshefit Ekzekutiv, Xhevet Smakiqin. Smakiqi në zgjedhjet e 2019-ës kishte garuar për deputet të NISMA-s.
Por, në “karrierën” e tij politike, Smakiqi mbahet mend vetëm për pjesëmarrjen në fotografinë e famshme të disa anëtarëve të NISMA-s që shihen duke e përqafuar fort kryetarin e tyre Fatmir Limajn.
E njeri prej tyre, ai që shihet me këmishë të kaltër të hapur, është Xhevdet Smakiqi.
Në zgjedhjet kur kryeshefi i ri i Postës kishte garuar për deputet, NISMA për pak e kishte kaluar pragun zgjedhor, për dallim nga zgjedhjet e fundit që ashtu siç edhe pritej ka mbetur jashtë Kuvendit.
Nga ana tjetër, Smakiqi, si kandidat për deputet i NISMA-s që në zgjedhjet e 2019-ës garoi në koalicion me AKR-në e PD-në, nuk kishte arritur t’i marrë votat e mjaftueshme për tu bërë deputet. A kishte arritur t’i marrë vetëm 1 mijë e 328 vota në zgjedhje.
