U përmend emri i tij si kryetari i ardhshëm i LDK-së, lajmërohet Kujtim Shala – këto janë fjalët e tij

Aktuale

U përmend emri i tij si kryetari i ardhshëm i LDK-së, lajmërohet Kujtim Shala – këto janë fjalët e tij

Nga: N. H Më: 5 mars 2021 Në ora: 17:55
Kujtim Shala

Lidhja Demokratike e Kosovës më 14 mars do të mblidhet për të mbajtur Kuvendin e jashtëzakonshëm të partisë, ku pritet të zgjedhën organet e reja drejtuese, Kryetari dhe Kryesia.

Një prej emrave të mundshëm, që të vije në krye të Lidhjes Demokratike të Kosovës, është përmendur emri i Kujtim Shalës.

Mirëpo, edhe me tej mbetet e paqartë se a do të kandidoj Shala për të ardhur në krye të LDK-së.

Një prej më të votuarve të LDK-së, Kujtim Shala, përmes një shkrimi në Facebook, ka falënderuar për përkrahjen që i është dhënë partisë së tij në zgjedhjet e 14 shkurtit.

“Falënderoj të gjithë ata qytetarë që kanë zgjedhur të më votojnë mua si kandidat të LDK-së dhe edhe një herë më kanë dhënë besimin që t’i përfaqësojë në Kuvendin e Kosovës! Besimi i përsëritur është nderi më i madh”, ka shkruar Shala.

Shala madje ka paralajmëruar se partia e tij do të hapë një faqe të re, për veten dhe të Kosovës.

Ja shkrimi i tij:

Të dashur qëndrestarë të LDK-së!

Ju falënderoj nga zemra për përkrahjen që i keni dhënë LDK-së, lëvizjes shqiptare të Kosovës, themelueses dhe garantueses së shtetit tonë! Falënderoj të gjithë ata qytetarë që kanë zgjedhur të më votojnë mua si kandidat të LDK-së dhe edhe një herë më kanë dhënë besimin që t’i përfaqësojë në Kuvendin e Kosovës!

Besimi i përsëritur është nderi më i madh. LDK-ja do të hapë një faqe të re te veten dhe të Kosovës. LDK-ja është partia e rrënjëve të Kosovës. LDK-ja nuk është vetëm një alternativë politike, por shenja thelbësore e shtetit tonë.

Shfaq komentet
comments powered by Disqus
Sot mund të lexoni Shfletoni kopertinat