Kreu në detyrë i PDK-së, Enver Hoxhaj ia ka dedikuar disa fjalë festës së gruas, 8 Marsit
"Gruaja është shtyllë kryesore e çdo shoqërie. Në Kosovë, gratë kanë arritur që me shumë punë, mund, e veçmas kurajo e guxim, të dalin në ballë të shumë proceseve të rëndësishme shtetërore, shoqërore, kulturore, e pa dyshim edhe familjare.", ka shkruar Hoxhaj në Facebook.
Postimi i plotë:
Gruaja është shtyllë kryesore e çdo shoqërie. Në Kosovë, gratë kanë arritur që me shumë punë, mund, e veçmas kurajo e guxim, të dalin në ballë të shumë proceseve të rëndësishme shtetërore, shoqërore, kulturore, e pa dyshim edhe familjare.
Unë, edhe sot, mëngjesin e nisa me një kafe me bashkëshorten time Remzien. Ajo është shtylla e familjes sonë, e cila krahas karrierës që ka ndërtuar ndër vite, është personi që i jep shpirt familjes.
Dua ta shoh edhe vajzën time, Lean, dhe të gjitha vajzat e Kosovës tek thyejnë të gjitha barrierat dhe bëhen lidere të forta e të guximshme kudo që ato aspirojnë.
Urime 8 Marsi!