"Bill Clinton ka qajtë kur e ka pa kasetën e masakrës së Izbicës"

Aktuale

"Bill Clinton ka qajtë kur e ka pa kasetën e masakrës së Izbicës"

Më: 24 mars 2021 Në ora: 21:43
Bill Clinton

Deputeti i PDK-së, Xhavit Haliti thotë se kur presidenti i SHBA’ve, Bill Klintoni kishte parë kasetën ku ishte incizuar Masakra e Izbicës nga forcat serbe kishte qarë.

Haliti në emisionin “Pressing” tha se Masakra e Izbicës dhe e Reçakut janë ato që e kanë unifikuar politikën amerikane për të marrë vendim në lidhje me luftën në Kosovë.

“Dy maskrat që kanë ndodh në Kosovë, janë ato që kanë unifiku poltikën amrerikane për të marrë vendim. Masakra e Izbicës është kryesorja dhe e Reçakut. Këto dy masakra kanë qenë të jashëzakonshme. Kasetën nuk e di kush e ka regjistru, por kasetën e Izbicës e ka sjellë Liri Loshi në Tiranë. E kemi pa e kemi regjistru, kishte një konkurrencë kujt me ja dhanë. Unë e luta që të mos e nxjerrin derisa ta qoj une diku. Kaseta atë natë është përcjellë në Wshington”, tha Haliti.

Ai thotë se të nesërmen në orën 2 të natës, njerëz nga Komiteti i Sigurimit Kombëtar të SHBA-ve i kanë shkuar në shtëpi dhe e kanë lutur që këto pamje të mos transmetohen në CNN.

“Në mbrëmje nesër në dy të natës kanë ardhë në shtëpi dhe më kanë lutur që të mos transmetohet në CNN. Këta të komistetit të Sigurimit Kombëtar të SHBA-së. Klintoni kur e kishte parë masakrën e Izbicës kishte qarë. Menjëherë ka ndodhur pas masakrës së Izbicës”, thotë Haliti.

Ai thotë se pasi kasetën e ka parë Klintoni, pamjet janë shfaqur edhe në CNN.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat