Tahiri: Puna e KPM-së në forcimin e mediave të pavarura dhe profesionale është esenciale

Aktuale

Tahiri: Puna e KPM-së në forcimin e mediave të pavarura dhe profesionale është esenciale

Më: 20 prill 2021 Në ora: 12:37
Besnik Tahiri

Shefi i grupit parlamentar të AAK-së, BesnikTahiri, është shprehur se në mbledhjen e Komisionit Parlamentar për Qeverisje Lokale, Zhvillim Rajonal dhe Media, kanë shqyrtuar raportin vjetor të Komisionit të Pavarur të Mediave (KPM) për vitin 2020.

“Në takim theksova se KPM-ja është institutcion i rendësishëm për ne dhe është në interesin tonë puna sa më efikase e këtij institucioni. Puna e KPM-së në forcimin e mediave të pavarura dhe profesionale është esenciale”, ka thënë Tahiri.

Tutje, ai ka njoftuar se gjatë shqyrtimit të raportit, ka theksuar se rregullorja e miratuar nga ana e KPM-së si mangësi e ka debatin publik që mund të ketë ardhur si pasojë e pandemisë.

“Ndërkaq, sa i përket kërkesës së KPM-së për rritje të buxhetit për vitin vijues, theksova se pasi të na i tregojnë arsyet pse po kërkohet rritje buxhetit, pajtohem me këtë në parim”, ka përfunduar.

commentFirst article
Sot mund të lexoni Shfletoni kopertinat