​Mehaj priti ambasadoren Butel, diskutohet vazhdimi i bashkëpunimit në siguri dhe mbrojtje

Aktuale

​Mehaj priti ambasadoren Butel, diskutohet vazhdimi i bashkëpunimit në siguri dhe mbrojtje

Më: 20 prill 2021 Në ora: 16:39
Foto nga vendi i ngjarjes

Ministri i Mbrojtjes Armend Mehaj priti sot në takim ambasadoren e Francës në Kosovë Marie Christine Butel, me të cilën bisedoi për vazhdimin e bashkëpunimit bilateral në mes ministrive të mbrojtjes së dy vendeve për çështjet me interes në fushën e sigurisë dhe mbrojtjes.

Ambasadorja Butel shprehu gatishmërinë e shtetit francez, që përmes ministrisë së saj të mbrojtjes dhe atasheve ushtarakë respektiv, ndërmjet dy vendeve të thellojnë kontaktet me diskutimin përmbajtjesor të temave me interes të përbashkët.

Ndërsa, ministri Mehaj shprehu falënderimin për Francën për mbështetjen e ofruar vendit tonë në të gjitha fushat, duke theksuar rolin e saj në sigurinë e përgjithshme, në vitet e rindërtimit dhe zhvillimit të vendit me kontingjentin ushtarak të KFOR-it.

Ai theksoi shumë me rëndësi, përvojën e madhe të forcave ushtarake franceze në përgjithësi, në fushën e operacioneve paqeruajtëse në veçanti për kapacitetet e FSK-së.

Shfaq komentet
comments powered by Disqus
Sot mund të lexoni Shfletoni kopertinat