Kanë të kryer arsimin e lartë, shqetësuese gabimet drejtshkrimore të deputetëve të VV-së dhe PDK-së

Aktuale

Kanë të kryer arsimin e lartë, shqetësuese gabimet drejtshkrimore të deputetëve të VV-së dhe PDK-së

Më: 9 maj 2021 Në ora: 21:45
Foto ilustrim

Profesori, Bardh Rugova, thotë se kjo flet në radhë të parë për sistemin shkollor në Kosovë.

Mandatin si deputetë, e fituan me 14 shkurt.

E një muaj më pas, të zgjedhurit e popullit, për regjistrim zyrtar si deputetë e plotësuan këtë formular.

Por, ajo çfarë ra në sy të disa prej tyre, ishin gabimet e shumta gjuhësore, të shefit të grupit parlamentar të PDK- së, Abelard Tahirit dhe disa deputetëve të Lëvizjes Vetëvendosje.

Ndërkohë, këto gabime në drejtshkrim, sipas gjuhëtarit dhe profesorit universitar në Fakultetin e Filologjisë, Bardh Rugova, janë shqetësuese.

Por, Rugova thotë se një gjë që duhet të merret parasysh, është fakti që shumë nga deputetët, studimet i kanë kryer jashtë Kosovës.

Ndërkohë, përveç gabimeve drejtshkrimore, deputetët e Kuvendit të Kosovës, në këtë formular zyrtar, shfaqën edhe kreativitetin e tyre.

Megjithatë, këta deputetë të shkolluar jashtë apo në Kosovë, nuk e shkruajnë saktë gjuhën shqipe.

E ka të tillë që janë pjesë e legjislativit, por që kanë të përfunduar vetëm shkollën fillore. Deputeti Fadil Gashi nga Romani Iniciativa sipas përshkrimit të biografisë në faqen zyrtare të Kuvendit, ka të përfunduar vetëm nivelin fillor të arsimit.

commentFirst article
Sot mund të lexoni Shfletoni kopertinat