Derisa në media është hedhur lajmi se më 22 qershor në Bruksel do të mbahet takimi i parë ndërmjet kryeministrit të Kosovës, Albin Kurti dhe presidentit të Serbisë, Aleksandar Vuçiq, deputetja e VV-së, Abëresha Kryeziu Hyseni e ka mohuar një gjë të tillë.
“Sa i përket takimit të 22 qershorit mbetet të shihet se a do të ketë dakordim për agjendën e asaj ditë apo jo. Unë e di që deri më tani nuk ka pasur dakordim për 22 qershorin, por besoj që ka akoma kohë për t’u dakorduar lidhur me agjendën që do të jetë.
Pra, ende nuk është dakorduar dhe ende nuk ka agjendë sa i përket takimit”, ka thënë deputetja e VV-së.
Ajo tutje ka thënë se më 18 maj do të ketë një takim ndërmjet përfaqësuesit të politikës së jashtme të BE-së, Joseph Borrell dhe gjashtë liderëve të Ballkanit Përendimor në mesin e të cilëve do të jetë prezent edhe kryeministri Kurti.
