Kandidati i Aleancës për Ardhmërinë e Kosovës (AAK) për kryetar të Prishtinës, Daut Haradinaj ka prezantuar sot kandidaten e radhës për Asambliste, Vjollca Govori.
Këtë e ka bërë të ditur vet Haradinaj përmes një postimi në llogarinë e tij në Facebook.
“Sot listës sonë iu bashkua edhe Vjollca Govori, e cila rrjedh nga një familje që përfaqëson vlera të larta qytetare e kombëtare, me prejardhje nga Prapashtica. Vjollca e cila jeton në Taslixhe në pjesën e quajtur ‘Avalla’, lagje që për Prishtinën është e rëndësisë së veçantë, sot zyrtarisht po i hyn garës për asamble të kryeqytetit, me bindjen se do të jetë përfaqësim i denjë i lagjes dhe rinisë së kryeqytetit tonë”, ka shkruar Haradinaj.
Ai ka thënë se qëllim i tij është gjithëpërfshirja në vendimmarrje.
“Gjithëpërfshirja në vendimmarrje është qëllim i yni”, është shprehur ai.
