​Osmani takon kancelarin Kurz, kërkon nga BE liberalizim të vizave për Kosovën

Aktuale

​Osmani takon kancelarin Kurz, kërkon nga BE liberalizim të vizave për Kosovën

Më: 23 qershor 2021 Në ora: 17:47
Foto nga vendi i ngjarjes

Presidentja Vjosa Osmani në kuadër të vizitës zyrtare në Austri është takuar me kancelarin Sebastian Kurz.

Siç njofton kumtesa presidenciale, në takim me kancelarin Kurz, Osmani ka shprehur falënderim për mbështetjen e vazhdueshme austriake ndaj Kosovës. Ka theksuar se është në interesin e Kosovës që kjo mbështetje të vazhdojë me procesin e liberalizimit të vizave si dhe fuqizimit të subjektivitetit ndërkombëtar të Kosovës.

Presidentja Osmani ka theksuar gjithashtu edhe gatishmërinë e Kosovës për thellimin e marrëdhënieve dypalëshe. Në këtë drejtim, presidentja Osmani ka potencuar mundësitë për thellimin e bashkëpunimit mes dy shteteve në fushën e ekonomisë, teknologjisë informative, agjendës së gjelbër dhe fushave të tjera.

Në këtë takim, Osmani ka falënderuar kancelarin Kurz për 95 mijë vaksina Pfizer, të cilat janë siguruar për Kosovën nga Bashkimi Evropian, për të cilat Austria kishte ndihmuar në aspektin procedural.

Presidentja Osmani në takim me kancelarin Kurz, ka theksuar se populli i Kosovës është më proevropian, ndaj ka kërkuar që BE-ja t`i liberalizojë vizat, duke mbajtur premtimin.

Ndërkaq sa i përket dialogut me Serbinë, presidentja Osmani ka ritheksuar qëndrimin për dialog të barabartë ndërmjet palëve, i cili përfundon me njohje reciproke.

Presidentja Osmani poashtu ka theksuar se parakushte për paqen e qëndrueshme në rajon janë drejtësia për viktimat e luftës së fundit në Kosovë, zbardhja e fatit të të zhdukurve me dhunë gjatë luftës dhe respektimi i sovranitetit dhe integritetit kushtetues e territorial të Republikës së Kosovës.

Shfaq komentet
comments powered by Disqus
Sot mund të lexoni Shfletoni kopertinat