Bytyçi: Akt i papredecent nga Specialja për Veselin, të reagojnë institucionet e Kosovës

Aktuale

Bytyçi: Akt i papredecent nga Specialja për Veselin, të reagojnë institucionet e Kosovës

Nga: A.Zh Më: 8 korrik 2021 Në ora: 20:30
Enver Bytyçi

Njohësi i çështjeve politike Enver Bytyçi, i ka reaguar Gjykatës Speciale në Hagë, e cila nuk ka lejuar ish-kryeparlamentarin Kadri Veseli, që të marrë pjesë në varrimin e babait të tij dje në Mitrovicë.

Profesori i marrëdhënieve ndërkombëtare, e ka quajtur akt të paprecedent, anti-human dhe i padrejtë të Gjykatës Speciale, përcjell Bota sot.

Ai ka kërkuar nga institucionet e Kosovës që të reagojnë për këtë “padrejtësi”.

Reagimi i Bytyçit në Facebook:

Babai i Kadri Veselit është varrosur dje në Mitrovicë! Ngushëllime të sinqerta e të thella për familjen dhe gjithë të afërmit e tij! Por, nuk nisa të shkruaj për këtë. Të zotit jemi, te zoti do të shkojmë! Rruge tjetër nuk ka askush! Ne na mbetet të lutemi që shpirti i tij të prehet në parajsë!

Por, askush nuk mund të pajtohet me inhumanitetin e Gjykatës Speciale të Kosovës në Hagë. Të mos e lejosh djalin që ta përcjellë babain e tij në banesën e tij të fundit, është një akt i paprecedentë, anti-human dhe i padrejtë! Gjykatat janë krijuar për të dhënë drejtësi. Moslejimi i Kadri Veselit që të gjendet në ceremoninë e varrimit të babait të tij është një padrejtësi e pazakontë. Aq e padrejtë është kjo, sa të kujton veprat makabre të diktaturës komuniste në Shqipëri, e cila ndëshkonte familjen e fisin për shkak të te ashtuquajturit faj të një familjari dhe të pushkatuarit i linte pa varr!

Një turp i madh për Gjykatën Speciale të Kosovës në Hagë, një akt dhune i pashembullt për demokracitë perëndimore! Institucionet e Kosovës duhet të reagojnë për këtë akt! Askush nuk ka të drejtë të kërkojë moshetimin e të akuzuarve nga kjo gjykatë! Por, secili prej nesh duhet të revoltohet kur kryhen akte kaq ekstreme të inhumanitetit të saj!

comment Për komente lëvizni më poshtë
Sot mund të lexoni Shfletoni kopertinat