Partia Demokratike e Kosovës gjatë ditës së sotme ka zgjedhur Kryesinë e re,e që u panë edhe shumë emra të rinj që nuk kanë qenë më herët në kryesi të kësaj partie.
Por në listën e kësaj kryesie nuk u panë edhe disa prej emrave më të fuqishēm në PDK. Pjesë e listës nuk ishte as deputeti Xhavit Haliti.
Media ka kontaktuar me Halitin për ta komentuar këtë listë, por që I njëjti është deklaruar shkurt duke thënë se “Kryesia është propozuar në përputhje me statutin e PDK-së, dhe vendimet politike të Konventes së fundit të PDK-së”.
Derisa i pyetur se pse nuk është më pjesë e kryesisë së PDK-së, Haliti thotë se kanë vendosur që deputetët mos të jenë pjesë e kryesisë.
"Kemi vendosur që deputetët të mos jenë anëtarë Kryesie, e unë jam njëri ndër ta", deklaron Haliti.
Përveç, Halitit jashtë mbeti edhe Abelard Tahiri, i cili nuk iu përgjigj pyetjeve të redaksisë lidhur me qëndrimin e tij karshi prurjeve të reja.
Ndryshe menjëhere pas zgjedhjes së re të këtyre emrave pati reagime nga deputetë të ndryshëm të PDK-së, duke u shprehur të pakënaqur.
