​Suzana Dautaj - Surdulli emërohet zëvendëskryesuese e bordit të drejtorëve të AKP-së

Aktuale

​Suzana Dautaj - Surdulli emërohet zëvendëskryesuese e bordit të drejtorëve të AKP-së

Më: 20 gusht 2021 Në ora: 15:56
AKP

Bordi i Drejtorëve i Agjencisë Kosovare të Privatizimit, në përbërjen e re, mbajti sot mbledhjen e tij konstituive, me ç ‘rast u informua nga menaxhmenti i AKP-së lidhur me rrjedhën e punës, procedurat dhe gjendjen aktuale të AKP-së.

Sipas një komunikate të AKP-së, megjithëse ky takim ishte më shumë i karakterit informues, bordi mori disa vendime të rëndësishme për çështje të brendshme të AKP-së.

“Në këtë mbledhje bordi diskutoi mbi themelimin e komitetit të auditimit; mbi themelimin e komisionit për vlerësim të performancës së menaxhmentit të AKP-së, si dhe mbi mbarëvajtjen e proceseve në përgjithësi.

Veç kësaj, bordi i drejtorëve, në këtë takim, votoi unanimisht që Suzana Dautaj Surdulli të emërohet zëvendëskryesuese e bordit të drejtorëve të AKP-së”, thuhet në komunikatë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat