Reagime të shumta ka pasur që nga dje, pas vrasjes së 18 vjeçares në Ferizaj, nga bashkëshorti i saj.
Ky i fundit gjendet në arrati, derisa Policia po punon për ta kapur.
Në anën tjetër, deputeti dhe lideri i AKR-së, Behgjet Pacolli, ka thënë se ofron shpërblim për këdo që jep informacion të vlefshëm për Policinë, që çon në arrestimin e vrasësit të Marigonës, përcjell Bota sot.
Postimi i tij i plotë:
Unë ofroj shpërblim për këdo që i jep informacion të vlefshëm Policisë së Kosovës që çon në arrestimin e vrasësit të Marigonës. Si baba i tre vajzave, ndihem i trishtuar për këtë ngjarje të rëndë!