Reciprociteti dhe gjendja në veri të Kosovës lajm në Reuters, ja çfarë shkruan media ndërkombëtare

Aktuale

Reciprociteti dhe gjendja në veri të Kosovës lajm në Reuters, ja çfarë shkruan media ndërkombëtare

Nga: G.B Më: 21 shtator 2021 Në ora: 08:57
Njësia Speciale e Kosovës me automjete të blinduara janë fotografuar ndërsa qindra serbë të Kosovës protestojnë kundër ndalimit të qeverisë për hyrjen e automjeteve me targa serbe në Jarinje, Kosovë, 20 shtator 2021. REUTERS/Laura Hasani

Serbët në veri të Kosovës bllokuan rrugët të hënën pranë vendkalimeve kufitare me Serbinë, pasi autoritetet e Kosovës ndaluan makinat me targa serbe të hyjnë në Kosovë, shkruan Reuters, përcjell Bota sot.

Policia e Kosovës ka detyruar të gjithë shoferët nga Serbia që të heqin ose fshehin targat e makinave të tyre dhe të përdorin targat e regjistrimit të përkohshme, që janë të vlefshme për 60 ditë dhe kushtojnë 5 euro.

Serbia, e cila humbi kontrollin e Kosovës në 1999 pas bombardimeve të NATO -s, nuk e njeh Kosovën dhe nuk ka lejuar që makina me targa të Kosovës të hyjnë atje.

Image
Një serb i Kosovës është fotografuar duke valëvitur një flamur serb ndërsa njerëzit protestojnë kundër ndalimit të qeverisë për hyrjen e automjeteve me targa serbe në Jarinje, Kosovë, 20 shtator 2021. REUTERS/Laura Hasani

Rreth 50,000 serbë që jetojnë në veri të Kosovës, që kufizohet me Serbinë, refuzojnë të njohin autoritetet e Prishtinës dhe pasi kufizimet hynë në fuqi të hënën, dhjetëra makina dhe kamionë bllokuan rrugët në shenjë proteste.

Policia e Kosovës u vendos atje, ndërsa bllokadat u vendosën nga serbët.

Image
Një serb i Kosovës është fotografuar duke valëvitur një flamur serb ndërsa proteston kundër vendimit të qeverisë për hyrjen e automjeteve me targa serbe në Jarinje, Kosovë, 20 shtator 2021. REUTERS/Laura Hasani

Kryeministri i Kosovës, Albin Kurti, tha se masa nuk u mor për të dëmtuar shoferët, por ishte një masë reciproke kundër Beogradit.

"Sot nuk ka asgjë të paligjshme apo diskriminuese", tha Kurti në parlament. "Ashtu si dje, sot dhe nesër, qytetarët serbë do të lëvizin lirshëm dhe të sigurt."

Presidenti serb Aleksandar Vuçiq, tha se situata është shumë "serioze dhe e vështirë".

"Kur keni të bëni me njerëz që nuk janë përgjegjës ... është e vështirë të gjesh zgjidhje," u tha Vuçiq gazetarëve.

Serbia dhe Kosova, filluan bisedimet e ndërmjetësuara nga BE në 2011 për të zgjidhur çështjet e pazgjidhura, por pak përparim është bërë.

Image
Policia speciale e Kosovës qëndron ndërsa qindra serbë të Kosovës protestojnë kundër vendimit të qeverisë për hyrjen e automjeteve me targa serbe në Jarinje, Kosovë, 20 shtator 2021. REUTERS/Laura Hasani

Pavarësia e Kosovës njihet nga rreth 110 vende si Shtetet e Bashkuara, Britania dhe shumica e vendeve perëndimore, por jo nga Rusia si aleati tradicional i Serbisë dhe pesë shtete anëtare të BE -së./BS/

Shfaq komentet
comments powered by Disqus
Sot mund të lexoni Shfletoni kopertinat