Presidenti i Serbisë Aleksandar Vuçiq, ka dhënë ultimatum se nëse nuk ndërhynë KFOR-i brenda 48 orësh këtë do ta bëj shteti serb.
Lidhur me këtë njohësi i çështjeve të sigurisë Bedri Elezi, tha se kësaj deklarate i paraprin një lloj negociatash tavoline për të tejkaluar këtë situatë dhe se më shumë është pjese e politikes deklarata e tij se sa që ka të bëjë në mënyre të drejtpërdrejt.
“Gjuha serbe përkatësisht e kryeministrit të Serbisë tashme është e njohur. Kjo është një lloj propagande e Vuçiqit i cili edhe ka qenë njëri prej personave që ka punuar në propagandën e Millosheviqit. Ky lloj ultimatumi për mendimin tim i paraprin një lloj negociatash tavoline të cilën edhe Kryeministri i Kosovës, Albin Kurti e ka paralajmëruar. Ky është një lloj presioni publik i cili bëhet për të shtruar në tavolinë çështje të cilat deri më tani nuk kanë që në tavolinë dhe besoj se në kontekst të sigurisë nuk përmbajnë ndonjë shqetësim të veçantë për shkak se më shumë është pjesë e politikës deklarata e tij se sa që ka të bëjë në mënyrë të drejtpërdrejt.”
Gjithashtu ai këtë deklaratë e vlerësoi si një aneksimi.
“Deklarata e tij mund të përkthehet si një lloj aneksimi në momentin që ai mendon me forca ushtarake apo policore me ndërhy në veriun e Kosovës. Kështu që në kontekst të sigurisë neve nuk kemi parë elemente serioze që Serbia don me u fut ushtarakisht", shtoi Elezi.
Ne fund Elezi tha se mund të ketë një marrëveshje për shtyrje ose ndryshim të targave, mund ti hiqet ndonjë logo ose ti mbulohet ndonjë logo.
“Zbatimi do te ketë një lloj periudhe të re për çështjen e targave dhe mendoj se do të ketë një marrëveshje për shtyrje ose ndryshim të targave, mund ti hiqet ndonjë logo ose ti mbulohet ndonjë logo. Me një fjale deklarata e tij i prin një marrëveshje politike dhe se nuk ka të bëjë me aspekte të sigurisë”.
