Nesër rifillon dialogu në nivel të kryenegociatorëve në Bruksel

Aktuale

Nesër rifillon dialogu në nivel të kryenegociatorëve në Bruksel

Më: 28 shtator 2021 Në ora: 11:19
Peter Stano

Delegacioni i Kosovës i udhëhequr nga zëvendëskryeministri, Besnik Bislimi nesër (e mërkure) do të takohen në Bruksel me palën serbe për të diskutuar për reciprocitetin për targat e përkohshme dhe shtensionimin e situatës në veri pas bllokimit të rrugëve.

Këtë për Kp e ka konfirmuar zëdhënësi i Komisionit Evropian, Peter Stano, i cili ka thënë se mbështesin Kosovën dhe Serbinë për de-eskalimin e situatës në veri dhe gjetjen e një zgjidhje për targat.

"Mund të konfirmoj se takimi i kryenegociatorëve do të mbahet në Bruksel të mërkurën", ka thënë ai.

Prej datës 20 shtator, Kosova ka vendosur reciprocitet të targave ndaj automjeteve serbe që hynë në Kosovë.

Serbët lokal të veriut duke kundërshtuar këtë masë dhe prezencën e Njësive Speciale të Kosovës në këtë zonë kanë bllokuar rrugët drejt kufirit në Jarinë dhe Bërnjak.

Shfaq komentet
comments powered by Disqus
Sot mund të lexoni Shfletoni kopertinat