Zëvendësndihmëssekretari amerikan për çështje të Evropës dhe Euroazisë, Gabriel Escobar, ka thënë sot se zbatimi i reciprocitetit të Kosovës ndaj Serbisë është i drejt.
Ai ka thënë se, ky vendim i Kosovës ndaj Serbisë i zuri në befasi.
“Është e drejtë e qeverisë së Kosovës për të aplikuar reciprocitet. Implementimi aktual na zuri shumicën prej nesh në befasi, por kjo do të ndodhte. Dhe jam i lumtur që ishim në gjendje të ulnim tensionet. Jam i kënaqur me përkushtimin e palëve dhe përkushtimin e Brukselit për gjetjen e zgjidhjes sa i përket situatës në veri. Me partneritetin që kemi me BE-në mund të ndihmojmë në tejkalimin e problemeve të trashëguara në Ballkanin Perëndimor nga vitet 90-ta. Kemi rrugë të gjatë përpara në dialog, do të japim mbështetje ne plotë për Lajçakun dhe ekipin e tij për një zgjidhje konstruktive”, ka thënë Escobar.
E kjo deklaratë e Escobarit po vlerësohet si është një ndër lajmet më të mira për Kosovën në vitet e fundit.
Kështu thotë analisti politik Jusuf Thaçi, i cili shpreson se edhe BE-ja të pajtohet me këtë parim.
Postimi i plotë:
“Është e drejtë e qeverisë së Kosovës për të aplikuar reciprocitet."
Ky qëndrim i qartë, zyrtar e publik i SHBA-së i shprehur nga Zv.ndihmëssekretari amerikan për çështje të Evropës dhe Euroazisë, Gabriel Escobar, është ndër lajmet më të mira për Kosovën në vitet e fundit.
Shpresoj që edhe BE-ja më në fund të pajtohet me këtë parim!
