Sali ​Berisha tregon pse Kosovës nuk po ia japin vizat

Aktuale

Sali ​Berisha tregon pse Kosovës nuk po ia japin vizat

Më: 8 tetor 2021 Në ora: 19:37
Sali Berisha

Ish-kryeministri i Shqipërisë Sali Berisha në foltoren e tij, e cila është ndalur sot në Elbasan, është shprehur se Kosova nuk është duke marrë vizat për shkak të krimit të organizuar shqiptar.

Berisha thotë se në këtë pikë e ka katandisur kryeministri Edi Rama vendin gjatë qeverisjes së tij.

“Askush nuk mund të thotë se Shqipëria është një vend i parëndësishëm. Njeriu që sillet si ordiner, që nuk respekton normat më elementare të mirësjelljes, njeriu që njëherë i thotë idiot një udhëheqësi, herën tjetër gënjeshtar dhe herën tjetër i ndershëm, sikur të jetë ky eprori i tyre. Faturën e paguajmë ne, se atë se përfill njeri. Nëse keni lexuar deklaratën e Bledit para dy ditëve ju them se nuk kam lexuar njëherë për dokumente të tillë, mirënjohje sepse e linin shtegun hapur për arsye se kishin tendencë ta mbyllnin fare. Por e hapin edhe një mundësi për ta mbyllur. Na vlerësonin partnerë. Prej 6-7 vitesh diskutohet që këto vende të mos i përfshijnë në integrim, t’i quajnë partnerë t’i japin fonde, të rrinë në punën e tyre se s’kemi punë me ta”, tha ai.

“E lanë zgjerimin, por u shprehën për vende partnere. Kur bëhesh kampion për kërkesa për azil politik në Evropë kush do të bëjë me ty. Kjo situatë pengon Kosovën për të hapur vizat. Vizat nuk ia japin Kosovës për shkak të krimit të organizuar shqiptar. Këtu na ka katandisur ky”, ka shtuar Berisha.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat