Kryeministrit të Kosovës, Albin Kurti po i kërkohet që të shkarkoj kreun e Listës Serbe, ministrin e Qeverisë, Goran Rakiq.
Një kërkesë të tillë e ka edhe kryetari i Republikanëve të Kosovës, Faton Kurti.
Kjo kërkesë e Kurtit vjen pas deklaratave të Rakiqit i cili ka reaguar ashpër ndaj Kosovës, pas aksionit të ditës së djeshme në veri, aksion ky për luftimin dhe parandalimin e kontrabandës me produkte serbe.
Pas kësaj deklarate Kurti thotë se Rakiq nuk e njeh shtetin e Kosovës, por merr rrogën nga taksapaguesit tonë dhe punon për interesat e Serbisë.
Reagimi i plotë:
DERI KUR DO TA MBANI GJARPNIN N'GJI?!
Rakiq aksionin policor të Kosovës kundër kontrabandës së mallrave, e ka quajtur Natë e Kristalit (Kristallnacht – pogromi i gjermanëve nazistë kundër çifutëve).
Ministri i Qeverisë së Kosovës, dhe Kryetari i Listës Serbe, Goran Rakiq, në takim me Presidentin e Serbisë, Aleksandër Vuçiç, deklaroi:
"Nuk durojmë më, është çështje jetë a vdekje!
Kjo ka qenë si Nata e Kristalit për ne, ky takim me Vuçiçit është më i rëndësishmi, është derdhur gjak serb mbi xhamat e thyer”!
Republikanët e Kosovës bëjnë thirrje KM Kurti largimin e menjëhershëm të Ministrit Goran Rakiq i cili nuk e njeh shtetin e Kosovës por merr rrogën nga taksapaguesit tonë dhe punon për interesat e Serbisë.
