Në komunën e Suharekës, policia ndalon një person për pengim të procesit të votimit

Aktuale

Në komunën e Suharekës, policia ndalon një person për pengim të procesit të votimit

Më: 17 tetor 2021 Në ora: 11:01
Foto ilustrim

Policia e Kosovës e ka ndaluar një person në komunën e Suharekës, i cili ka penguar procesin e votimit.

I dyshuar ka prishur rendin dhe qetësinë dhe më pas e ka thyer dritën fluoreshente.

“Me urdhër të prokurorit të Shtetit, Policia e Kosovës ka ndaluar një (1) person, në Komunën e Suharekës, për veprën penale “Pengimi i procesit të votimit’’. Prokurori i Shtetit njofton opinionin se i dyshuari ka penguar procesin e votimit duke prishur rendin dhe qetësinë dhe më pas e ka thyer dritën fluoreshente”, njofton Prokuroria e Shtetit.

“Me urdhër të prokurorit të Shtetit i njëjti është në ndalim. Prokurori i Shtetit dhe Policia e Kosovës mbeten të përkushtuar në realizimin e detyrave dhe përgjegjësive të tyre ligjore, në mënyrë profesionale, transparente dhe të paanshme karshi qytetarëve dhe vendit, andaj inkurajojmë të gjithë qytetarët që të bashkëpunojnë me Prokurorinë e Shtetit dhe Policinë e Kosovës dhe njëherit të raportojnë për ç’do rast të kundërligjshëm që ndërlidhet me sigurinë dhe procesin zgjedhor”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat