Kandidati për kryetar të LDK’së, Përparim Rama, ka shfrytëzuar të drejtën qytetare për votim.
Ai shprehu kënaqësinë për fushatën që është mbajtur gjatë këtyre ditëve, derisa ftoj qytetarët të votojnë duke thënë se kështu vendosin se kush do udhëheq kryeqytetin por edhe tjerat komuna të vendit.
‘’Është kënaqësi me qenë me juve sot, ka qenë kampanjë fenomenale, fer.
Sot ndjehem edhe më i lumtur që jetoj në një shtet demokratik, ku kemi të drejtën të gjithë të bëjmë votën tonë, për të ardhmen e kryeqytetit e vendit tonë, ndihem i lumtur dhe i ftoj të gjithë që ta zgjedhin të ardhmen e kryeqytetit. Ju dua të gjithëve dhe ju falënderoj shumë’’, tha Rama.
