Haskuka i LVV-së dhe Totaj i PDK-së sërish në garë për kryetar të Prizrenit

Aktuale

Haskuka i LVV-së dhe Totaj i PDK-së sërish në garë për kryetar të Prizrenit

Më: 18 tetor 2021 Në ora: 13:28
Ilustrim

Komisioni Qendror i Zgjedhjeve ka numëruar 99,80% të votave në total, në tërë territorin e vendit.

Sipas rezultateve preliminare shumë komuna do të shkojnë në balotazh. Në mesin e tyre do të jetë edhe Komuna e Prizrenit.

Gara e balotazhit në këtë komunë do të zhvillohet në mes LVV-së dhe PDK-së.

Në këtë komunë numërimi i votave ka përfunduar 100% dhe kandidati i LVV-së, Mytaher Haskuka ka marrë 23 mijë e 504 vota apo 40,43% kurse kandidati i PDK-së, Shaqir Totaj ka marrë 18 mijë e 078 vota apo 31,10%.

Në garën për asamble komunale në këtë komunë vota më së shumti ka marrë LVV-ja me gjithsejtë 15 mijë e 350 apo 28,59%. PDK-ja ka marrë 13 mijë e 870 vota apo 25,83%.

Pjesëmarrja në zgjedhje e qytetarëve të Prizrenit ishte 35,69 % apo 61 mijë e 873 qytetarë nga 173 mijë e 359 sa kishin të drejtë vote.

Image
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat