A do të përjashtohet Bekim Haxhiu nga partia? - Flasin nga PDK-ja

Aktuale

A do të përjashtohet Bekim Haxhiu nga partia? - Flasin nga PDK-ja

Më: 19 tetor 2021 Në ora: 23:03
Bekim Haxhiu

Anëtari i  kryesisë së PDK-së Bernard Nikaj ka folur për deputetin e PDK-së, Bekim Haxhiun i cili doli kundër partisë, dhe përkrahu Bekim Jasharin në zgjedhjet për kryetar të Skënderajt.

Nikaj ka thënë se një gjë e tillë nuk është duke u diskutuar nga PDK tani për tani, por se kushdo që del kundër partisë nuk ka bërë mirë.

“Çështja e Bekim Haxhiut nuk është duke u diskutuar momentalisht, nëse kjo çështje ngritët sigurisht se do të bëjmë diskutimet e duhura dhe do ti informojmë edhe mediat, dhe opinionin, por momentalisht kjo çështje nuk është ngritur nga askush, dhe nuk ka qenë pjesë e debatit në PDK.”

“Ajo që është e qartë, është se PDK e ka vetëm një adresë, dhe ajo është numri  177, dhe kandidatët që janë në listë për asamblist dhe për kryetar komune , dhe kushdo që ka dalë kundër numrit 177, dhe listës për asamble, dhe kryetarë të PDK-së ka punuar kundër, dhe kjo është e qartë”, tha Nikaj në Prime Time.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat