Geci: Këtë çka ia bënë Bekim Jasharit, dikur ia bënë Ibrahim Rugovës

Aktuale

Geci: Këtë çka ia bënë Bekim Jasharit, dikur ia bënë Ibrahim Rugovës

Më: 20 tetor 2021 Në ora: 18:42
Bekim Jashari

Aktivisti i hershëm i Lidhjes Demokratike të Kosovës, Halil Geci ka folur në lidhje me rezultatet e zgjedhjeve lokale të 17 tetorit.

Geci ka thënë se rezultatet në komunën e Skenderajt dhe humbja e Bekim Jasharit tregojnë se në këto zgjedhje është keqpërdorur vota, për çka edhe duhet të zbardhet rasti sa më parë nga institucionet përgjegjëse.

”Më 17 tetor, Drenicën e kanë ndjekë flaganët e “prontomafisë”, ata ja vënë kurorën e turpit, Skenderajt-vendit historik. Prekazi nuk gjunjëzohet nga Fadil Nura dhe askush tjetër, ata vetëm e kanë treguar fytyrën se kush janë dhe asgjë tjetër. Bekim Jashari nuk ka garuar pse është i biri i Hamëz Jasharit por ka garuar si autoritet i kërkuar nga qytetarët e Skenderajt për t’ua hequr nga dora keqpërdorimet 20 vjeçare, pushtetarëve të PDK-së…Bekimi ka punuar më së shumti se të gjithë të tjerët dhe kjo është e vërteta, ashtu siç është e vërtetë edhe blerja dhe vjedhja e votës, në mënyrë të turpshme e që besoj se gjykata duhet ta zbardhë këtë rast”, deklaroi Geci.

Madje Geci tha se “këtë çka ia bënë Bekim Jasharit këto ditë, ia kanë bërë edhe Ibrahim Rugovës dikur”.

“Qeverisja e tij katër vjeçare ka dëshmuar se ka qenë i duhuri i këtij vendi të mjerë e i kapur nga kjo “prontomafia”. Bekimi është ai që për katër vite ka bërë mrekulli në arsim, kulturë, ekonomi, bujqësi, infrastrukturë dhe i cili nuk i ka keqpërdorur mjetet financiare…Kjo çfarë i kanë bërë Bekim Jasharit këto ditë, ia kanë bërë Ibrahim Rugovës dikur”, tha ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat