​IPK pranoi donacion vetura dhe pajisje nga EULEX-i

Aktuale

​IPK pranoi donacion vetura dhe pajisje nga EULEX-i

Më: 21 tetor 2021 Në ora: 15:32
​IPK pranoi donacion vetura dhe pajisje nga EULEX-i

Inspektorati Policor i Kosovës sot në një ceremoni të organizuar në Hajvali pranoi një donacion nga Misioni i Bashkimit Evropian për Sundim të Ligjit në Kosovë (EULEX).

Shefi i këtij misioni Lars-Gunnar Wigemark i dorëzoi Inspektoratit Policor të Kosovës një donacion që përfshiu tri vetura dhe pajisje të ndryshme duke përfshirë edhe pajisje të teknologjisë informative.

Kryeshefi Ekzekutiv i IPK-së Kushtrim Hodaj falënderoi shefin e EULEX-it për mbështetjen në ngritjen e kapaciteteve të agjencive të zbatimit të ligjit në përgjithësi duke përfshirë edhe Inspektoratin Policor të Kosovës.

“IPK vlerëson lart bashkëpunimin me institucione të BE-së, sidomos me EULEX-in dhe ky bashkëpunim ka ndikuar që IPK të rrisë kapacitetet e saj profesionale,” tha Hodaj duke u zotuar që IPK mbetet e përkushtuar për vazhdimin e bashkëpunimit, në mënyrë që sundimi i ligjit të mbetet prioritet për të gjitha agjencitë e zbatimit të ligjit e në veçanti për IPK-në.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat