Gjykata Supreme ka vendosur që komisionerja e Lëvizjes Vetëvendosje, Xh.S të dënohet me 1 mijë euro për shkak se ka thyer heshtjen zgjedhore.
“Subjektit Politik “Lëvizja Vetëvendosje”, i shqiptohet gjobë në lartësi prej 1,000.00 euro (një mijë euro), në emër të shkeljes së Kodit të Mirësjelljes për subjektet politike – Thyerja e heshtjes zgjedhore. Në pikën II, të dispozitivit, detyrohet subjekti politik “Lëvizja Vetëvendosje”, që gjobën e shqiptuar si në pikën I, të dispozitivit të këtij vendimi, ta paguajë në afat prej 15 ditëve, nga dita e marrjes së këtij vendimi, nën kërcënim e shqiptimit të dënimit shtesë. Në pikën III, të dispozitivit të vendimit të PZAP-së, i ndalohet Xh. S., me numër të letërnjoftimit …, nga subjekti politik “Lëvizja Vetëvendosje”, me seli në Prishtinë, pjesëmarrja në zgjedhje, si kandidate apo edhe si pjesë administrative e ndonjë organi zgjedhore për periudhën kohore, në kohëzgjatje prej 5 (pesë) vite, nga dita e marrjes se vendimit”, thuhet në vendimin e Supremes.
Ankesa e komisioneres nga Gjykata Supreme është refuzohet si e pabazuar.
“Kundër vendimit të lartpërmendur, konkretisht pikës III, Xh. S., me kohë ka paraqitur ankesë për konstatim të gabuar të gjendjes faktike dhe aplikimit të gabuar të Ligjit për Zgjedhjet e Përgjithshme në Republikën e Kosovës, duke i propozuar Gjykatës Supreme që të aprovohet si e bazuar kjo ankesë, dhe të anulohet vendimi i lartpërmendur i PZAP-së, me numër A.nr.630/2021, i datës 20.10.2021, duke i hequr ndalesën e shqiptuar. PZAP, në përgjigje në ankesë të paraqitur kundër vendimit me A.nr.630/2021, të datës 20.10.2021, i propozon Gjykatës Supreme që ankesa e Xh. S. të refuzohet si e pabazuar”, thuhet në vendimin e kësaj gjykate.
