Numërohen votat me kusht, PDK e LVV konfirmojnë balotazhin në Kaçanik

Aktuale

Numërohen votat me kusht, PDK e LVV konfirmojnë balotazhin në Kaçanik

Më: 26 tetor 2021 Në ora: 18:17
Ilustrim

Po vazhdon numërimi i votave me kusht dhe atyre me nevoja të veçanta në Qendrën e Numërimit dhe Rezultateve.

Në disa komuna tashmë ka përfunduar procesi dhe kanë filluar të dalin rezultatet e para.

Tashmë janë numëruar votat me kusht edhe në komunën e Kaçanikut.

Nga këto vota prin kandidati i Partisë Demokratike e Kosovës, Besim Ilazi, me 107 vota.

Pas tij është kandidati i Lëvizjes Vetëvendosje, Jeton Raka, me 81 vota.

I treti është kandidati i LDK-së, Shkelqim Jakupi, me 23 vota.

Kandidati Shukri Luta ka marrë 16 vota derisa Kastriot Bushi – 2 vota.

Edhe sa iu përket votave për asamble komunale, PDK kryeson në Kaçanik me 82 vota.

LVV është e dyta me 62 vota, ndërsa e treta LDK me 35 vota.

AAK për asamblenë e Kaçanikut ka marrë 22 vota derisa NISMA renditet e pesta me 5 vota.

Pas këtyre rezultateve asgjë nuk ndryshon dhe në balotazh shkojnë kandidatët e PDK-së dhe LVV-së.

Image
Votat
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat