Balotazhi në Istog, ja sa vota i ndajnë Feratin e LDK-së dhe Berishën e AAK-së

Aktuale

Balotazhi në Istog, ja sa vota i ndajnë Feratin e LDK-së dhe Berishën e AAK-së

Më: 28 tetor 2021 Në ora: 11:17
Bekë Berisha dhe Ilir Ferati

Komisioni Qendror i Zgjedhjeve shpalli rezultatet përfundimtare të raundit të parë të Zgjedhjeve Lokale për Kryetarë të 37 Komunave, të cilat u mbajtën më 17 tetor 2021.

Në Istog, kandidati i Lidhjes Demokratike të Kosovës, Ilir Ferati, do të jetë në balotazh me kandidatin e Aleancës për Ardhmërinë e Kosovës, Bekë Berisha.

Ferati ka dal i pari me 7 974 vota ose 41,09%, ndërsa Berisha është i dyti me 5 140 vota ose 26,49%. Diferenca mes kandidatëve është 2 834 vota.

Kandidatja i Lëvizjes Vetëvendosje, Agron Avdijaj, ka dalë i treti, ndërsa kandidati i PDK-së, Ali Nimanaj, është i katërti pasuar nga kandidati Idriz Blakaj nga Iniciativa Qytetare Bashke për Istogun.

Në Komunën e Istogut numri i votuesve të regjistruar ka qenë 47 693, këtë të drejtë e kanë shfrytëzuar 18 941 qytetarë. Numri i votuesve të cilët kanë votuar jashtë vendvotimit, si me kusht, VPNV dhe me postë është 1 125.

Pjesëmarrja në votime në Istog është 42,07%.

Pas shpalljes së rezultateve përfundimtare, në afat brenda 24 orësh, subjektet politike dhe kandidatët mund të paraqesin ankesat e tyre në Panelin Zgjedhor për Ankesa dhe Parashtresa.

Image
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat