Gazetari Besnik Krasniqi ka thënë se deklaratat e Ramiz Lladrovcit mund të bëhen sebep që ish presidenti Hashim Thaçi e të tjerët të mbetën në paraburgim.
Ramiz Lladrovci ditë më parë kishte deklaruar se është telefonuar nga Hashim Thaçi e Rexhep Selimi, gjë që sipas Krasniqit mund të përdoret si alibi nesër dhe të mos aprovohet kërkesa për lirim me kusht të krerëve të UÇK-së.
Ndonëse, Ramiz Lladrovci ka deklaruar se ai nuk është thirrur si dëshmitarë në Hagë ku po gjykohen katër krerët e UÇK-së.
Postimi i plotë:
Përderisa Hashim Thaçi e të tjerët po synojnë ta bindin Gjykatën Speciale që t’i lirojë përkohshëm nga paraburgimi, një dëshmitar i Hagës që është kandidat për kryetar komune po thotë që është telefonuar nga Thaçi e Rexhep Selimi, të cilët ndodhen në paraburgim.
Pra, dy të akuzuar e paskan telefonu dëshmitarin e Hagës.
Këtë mund ta përdor gjykata si alibi nesër, që të mos e aprovojë kërkesën për mbrojtje jashtë grilave të Hagës.
Fundja, ndërkombëtarët na e bënë Specialen në Hagë, pikërisht nën justifikimin se të akuzuarit po i frikësojnë ose po bëjnë pazar me dëshmitarët.
Pra, lajmi për telefonatat që mund t’i sjell vota kandidatit, ka rrezik të bëhet sebep që Thaçi e të tjerët të mbeten në paraburgim.
