Pyetet a do ta rikthejë Vitinë në Ministrinë e Shëndetësisë, ky është reagimi i Kurtit

Aktuale

Pyetet a do ta rikthejë Vitinë në Ministrinë e Shëndetësisë, ky është reagimi i Kurtit

Më: 15 nëntor 2021 Në ora: 13:48
Albin Kurti

Kryeministri i Kosovës, Albin Kurti, sot ka dalë në një konferencë për media, ku ka treguar çka ka biseduar me kryeministrin e Kroacisë, Andrej Plenkoviq. Pasi tregoi si shkoi takimi, Kurti u pyet nga gazetarët rreth zgjedhjeve lokale që u mbajtën të dielën.

Përveç rezultatit të zgjedhjeve, Kurti u pyet edhe për fatin e Ministrisë së Shëndetësisë, pasi po funksionon me ushtrues detyre, pasi ai kishte vendosur ta kandidonte ministrin Arben Vitia, për kryetar të Prishtinës.

Konkretisht, ai u pyet nëse do ta ktheje Vitinë përsëri në postin e të parit të Shëndetësisë.

Por, Kurti zgjodhi të mos përgjigjet në këtë pyetje. Ai u deklarua vetëm rreth rezultatit të partisë së tij në zgjedhjet lokale.

“Rezultati jo i kënaqshëm për neve vjen si rezultat i disa defekteve të brendshme të cilat duhet t'i analizojmë më gjatë në vijim dhe i bashkimit të të gjithë tjerëve kundër LVV-së”, deklaroi Kurti.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat