Grupi për Studime Juridike dhe Politike ka thënë se Gjykata Supreme e Kosovës e ka rikthyer masën pezulluese mbi punën e Hidrocentralit në Brezovicë, duke e prishur aktvendimin e Gjykatës së Apelit.
Ku thuhej pa asnjë bazë ndër të tjera që ndalja e punës se hidrocentralit ishte kundër interesit publik.
Në një konferencë për media, GLPS ka bërë të ditur se gjykata ka konstatuar se nuk mund të aprovohet si i drejt dhe ligjor qëndrimi juridik i Gjykatës së Apelit.
Arbër Fetahu nga GLPS ka thënë se aktgjykimi i Supremes është fitore shumë e madhe për qytetarët e Shtërpcës, meqë me pezullimin e lejes ujore për hidrocentralin Brezovica, kompania ndërtuese nuk mund të aplikojë për leje mjedisore, lëshimi i së cilës është parakusht për të operuar hidrocentrali.
